СҚО-да креатив орталық ашылды

Солтүстік Қазақстан облысында шалғайдағы ауыл тұрғындары цифрлық технологияларды меңгеру мүмкіндігіне ие болды. Тимирязев ауданының орталығында заманауи креатив орталық ашылды. Осымен өңірде 7 ІТ нысан іске қосылды. Наурыз айына дейін оларлың санын 14-ке жеткізу жоспарланған.

Даниил Степаненко – 11 сынып оқушысы. Ауыл мектептерінің шәкірттеріне арналған білім беру платформасын жасап шығарған. Қосымша арқылы балалар физика, математика, информатика сынды тағы басқа пәндерді оқып, роботехниканы меңгере алады. Жас өнертапқыш ІТ орталық жан-жақты дамуға мүмкіндік беретініне сенімді.

Даниил Степаненко, оқушы:

Мен өзім жасап шығарған қосымшаны жетілдіріп жатырмын. Қазір цифрлық платформаны жүздеген оқушы пайдаланып жүр. Айти орталық оны дамытуға көмектеседі деп ойлаймын. Бұл жерде мен сияқты оқушылар өз жобаларын жүзеге асыра алады.

Бұл бізге үлкен мүмкіндік береді. Болашақта ІТ саласы арқылы дамып кетуге болады. Мысалы, жастардың көбісі қазір қалаға барады, осы үшін. Ал мен отырып, осылай қашықтықтан оқуға мүмкіндік береді.

Зейнетке шыққаннан бері өзіме ұнайтын кәсіптермен айналысуды шештім. Міне, ауданда ашылып жатқан осындай орталыққа өте қуаныштымын. Осы орталықтың күшіменен жастар үйретіп, әлеуметтік желілерге шығарады деп ойлаймын. Сол жерде осы бұйымдарымды сатқым келеді.

Айти орталық біздің ауданға цифрландыру, экономика саласында дамуға мүмкіндік береді. Орталықта техникалық мүмкіндіктердің барлығы бар. Қазір ауыл шаруашылығы саласында жасанды интелект қолданыла бастады. Мамандар қажет. Бұл орайда креатив орталық тиісті жұмысты атқарады.