Таиландта кран құлап, 19 адам қаза тапты

Бүгін Таиландтың солтүстік-шығысында жүріп бара жатқан жолаушылар пойызының үстіне кран құлап, 19 адам қаза тапты. Тағы 80-і жараланған. Жергілікті полицияның мәліметінше, теміржол көлігі рельстен тайып, үш вагон қатты зақымданды. Оқиға ел астанасы Бангкоктан 230 шақырым жерде болған. Пойыздағы 195 жолаушының көпшілігі құтқарылды. Елдің көлік министрлігінің мәлімдеуінше, апаттың нақты себебін анықтау үшін қазір тергеу жүріп жатыр.