Оңтүстік Кореяда прокурор экс-президентті өлім жазасына кесуді талап етті

Оңтүстік Корея прокуратурасы бұрынғы мемлекет басшысы Юн Сук Ёлді өлім жазасына кесуді талап етті. Экс-президент 2024 жылы желтоқсан айында елде әскери жағдай енгізуге әрекет жасағаны үшін биліктен аластатылғаны белгілі. Сеул соты сейсенбі күні Юнның ісі бойынша қорытынды аргументтерді тыңдады. 65 жастағы саясаткерге бүлікті басқарды деген айып тағылып отыр. Алайда, Юнның өзі кінәні жоққа шығарып, елді күйреуден қорғау үшін әскери режим жариялағанын мәлімдеп келеді. Айта кетсек, бұл мемлекетте соңғы 30 жылға жуық уақытта өлім жазасы бірде бір рет орындалмаған екен.