Газада атыс тоқтағалы 100-ден астам бала қаза тапты

Газа секторында былтыр қазан айында атысты тоқтату туралы келісім күшіне енгелі 100-ден астам бала қайтыс болған. Мұны ЮНИСЕФ ұйымы мәлімдеп отыр. Оның дерегінше, жеткіншектер дрондардың, зымырандардың, танкілерлердің соққысы мен атыс кезінде мерт болыпты. Опат болғандардың 60-ы ұл, 40 қа жуығы – қыз бала. Айта кетсек, соңғы тәулікте бұл палестиналық анклавта жауын құйып, су тасып, жүздеген шатыр мен үй құлап, алты адам қаза тапқан.