Трамп Иранмен сауда байланыстары бар елдерге баж салығын енгізгенін мәлімдеді

АҚШ президенті Дональд Трамп Иранмен сауда байланыстары бар елдерге 25 пайыз көлемінде баж салығын енгізгенін мәлімдеді. Ақ үй басшысы бұл туралы әлеуметтік желіде тариф бірден күшіне енді деп жазған. Алайда оның мән-жайына тоқталған жоқ. «Рейтер»-дің мәліметінше, Иранның ең ірі сауда серіктестерінің қатарында Қытай, Ирак, Біріккен Араб Әмірліктері, Түркия мен Үндістан бар. Бұған қоса Трамп Иранда демонстранттарға күш қолданылса, бұған әскери тұрғыда араласатынын ескертті.