Қарағандыда балалар мекемесінің тәрбиеленушілерінен ақша бопсалаған топ құрықталды

Қарағандыда балалар мекемесінің тәрбиеленушілерінен ақша бопсалаған топ құрықталды. Күдіктілер соңғы жарты жылдың ішінде қорқытып, күш қолданып бірнеше баладан жалпы сомасы 10 миллион теңгеден астам қаржы алған. Оларды арнайы шоттардан ақша шешуге, сондай-ақ микроқаржы ұйымдарында несие рәсімдеуге мәжбүрлеген.

Жүргізілген жедел-іздестіру іс-шаралары нәтижесінде күдіктілерден автоматты атыс қаруына арналған оқжатарлар және жүзден астам оқ-дәрі тәркіленді.

Аталған дерек бойынша бопсалау белгілерімен сотқа дейінгі тергеп-тексеру басталды. Барлық күдікті ұсталды. Оларға 10 жылға дейін бас бостандығынан айыру жазасы тағайындалуы мүмкін. Полиция олардың басқа да осыған ұқсас қылмыстарға қатыстылығын анықтау бойынша жұмысты жалғастырып жатыр.