Жапония 6 шақырым тереңнен сирек металл іздей бастады

Жапония сирек металл кенішін барлау үшін шалғайдағы Минамитори аралының маңына тау-кен кемесін аттандырды. Ол әлемде бірінші болып теңіздің алты шақырым тереңдігінде жұмыс істейді. 

Кеменің бортында 130 адам бар. Олар – экипаж мүшелері мен зерттеушілер. Экспедиция портқа ақпанның 14-де оралуы керек.

Қазір Жапония мен оның батыстық одақтастары автомобиль, смартфон және әскери техника өндірісінде Қытайға тәуелділікті азайтуға күш салып жатыр. Өйткені Бейжің минералдар экспортын кейінгі кездері шектеуге кіріскені белгілі.