Қаңтар айындағы ҰБТ басталды

Өткен сенбі күні қаңтар айындағы бірыңғай ұлттық тестілеу басталды. Сынақ 10 ақпанға дейін жалғасады. ҰБТ-ға қатысуға 187 мыңға жуық адам өтініш берді. Бұл өткен жылмен салыстырғанда 20 мың оқушыға көп. Түлектердің 75 пайызы қазақ тілінде, 24 пайызы орыс тілінде, ал 189 адам ағылшын тілінде тестілеуден өтуге өтініш білдірді. Талапкерлер өтініш беру барысында тестілеу күнін, уақытын және пунктін өздері таңдады.