Бүгін және ертең ел аумағында ауа райы құбылмалы болады

Бүгін және ертең ел аумағында ауа райы құбылмалы болады. Қазгидрометтің дерегінше, Астана қаласы, Шығыс Қазақстан, Абай, Ақмола, Қостанай, Солтүстік Қазақстан, Павлодар, Қарағанды, Ұлытау және Батыс Қазақстан облыстарында қалың қар жауып, боран тұрып, жауын-шашын да болады. Осы аймақтардың бірқатарында қолайсыз ауа райы көктайғаққа ұласуы мүмкін. Ал Алматы қаласы мен Шымкентте, сондай-ақ Түркістан, Жамбыл, Қызылорда, Жетісу, Ақтөбе облыстарында қою тұман болуы ықтимал. Жалпы, алдағы екі күнде тұтас ел бойынша ауа райы құбылмалы әрі қолайсыз болайын деп тұр. Сондықтан алыс жолға шықпай, сақтық танытқан жөн.