Мадуроның жақтастары шеруге шықты

Венесуэла астанасы Каракаста биліктен аластатылған президент Николас Мадуроның жақтастары шеруге шықты. Олар Мадуро мен оның әйелін Нью-Йорктегі қамау орталығынан босатуды талап етіп отыр. Демонстранттар «Мадуроны босат», «шетелдік шапқыншылыққа жол жоқ» деп ұрандатты. Мадуро мен оның жұбайы қаңтардың 3-де АҚШ-тың әскери операциясы кезінде ұсталды. АҚШ соты оны есірткі және қару-жарақ саудасына қатысты айыптап отыр. Алайда Венесуэла президенті кінәсіз екенін мәлімдеді.