Кәсіпкерліктің дамуы – экономиканың негізгі тірегі

Бизнес – кез келген елдегі экономиканың негізгі тірегі. Президент «Түркістан» газетіне берген сұхбатында кәсіпкерліктің дамуы мен жаңа салық реформасына кеңінен тоқталды. Жаңа жылдан бастап енген жаңа бастамаларға сарапшылар пікір білдіруде. 

Жалпы елімізде шағын және орта бизнестің дамуына қашан да мемлекет тарапынан айрықша қолдау бар. Түрлі бағдарламалар мен жеңілдетілген несиелер беріліп, жылдан жылға жаңа өндіріс орындары ұлғайып келеді. Жаңа «Салық» Кодексі әлеуметтік маңызы бар тауар өндірушілерге кері әсерін тигізбейді. Керісінше, адал кәсіп иелерін айқындап, көлеңкелі бизнеске тоқтау салады. «Бұл әлемдік тәжірибе», - дейді мамандар.

Кәсіпкерліктің дамуы үшін әсіресе ауылдық жерлерде мынау шағын кәсіпкерлердің кооперацияға біріге отырып үлкен өнімдер шығаруға, өндірісті дамытуға бағытталғанын айтады. Мемлекет негізі салықтан тұрады. Сол түсімдер біздің мемлекеттің ішіндегі медицинамыз бар, білім саласы бар, әлеуметтік саланың дамуына кетеді.