Париж орталығын фермерлер тракторлармен жауып тастады

Франция фермерлері тракторларымен Париждегі сауда алаңдары мен қала орталығына кіретін жолдарды жапты. Олар МЕРКОСУР ұйымымен еркін сауда келісімін жасауға наразы. Шаруалар мұндай мәміле арзан азық-түлік импортына жол ашады деп қауіптенеді. Аталған келісімді Германия мен Испания елдері қолдайды. Ал ауыршаруашылық саласы ірі әрі ықпалды саналатын Франция мен Польша тәрізді елдер бұған қарсы. Еуроодақ пен МЕРКОСУР арасындағы еркін сауда келісіміне дауыс беру ертең өтеді.