Елордалық оқушылар энергия үнемдеу туралы дәріс тыңдады

Елордалық  оқушыларға «Таза Қазақстан» экологиялық акциясы аясында дәріс оқылды.  Ерекшелігі сол – дәрісті мұғалім емес, нақты сала мамандары оқыды. Мәселен, бұл жолы оқушылар үшін күнделікті тұрмыста электр энегриясын үнемдеудің жолдары жан-жақты түсіндірілді. Ұйымдастырушылар осылайша, 2029 жылға қарай Қазақстанда энергия тиімділігін 15 пайызға дейін арттыру тұжымдамасын іске асыруды білім ошақтарында дамытып жатырмыз дейді. Экологиялық сауаттылыққа бағытталған мұндай шаралар алдағы уақытта балабақшаларда да өткізіледі.

Дәрісте оқушылар мектепте және үйдегі тірлікте энергияны қалай пайдалану, электр технологиялық құрылғыларды пайдалану тек қана энергияға қатысты емес, сонымен қоса ауаны тазартуға да тікелей байланысты.

Жалпы, экологияны қорғау – адамның өзінен басталады. Қоқыстарды сұрыптау, бөліп-бөліп қоқысқа тастау, сенбілікке қатысу деген сияқты шаралардан біз табиғатты қорғауды үйренеміз.