Жапонияның батысында жер сілкінісі бірнеше рет қайталанды

Бүгін таңертең Жапонияның батысындағы Чугоку аймағында 6,2 балдық жер сілкінісі болды. Елдің метеорологиялық агенттігінің хабарлауынша, дүмпулер бірнеше рет қайталанған. Зілзаланың эпицентрі шығыстағы Шимане префектурасынан анықталды. Дегенмен цунами қаупі жоқ. Құрбандар туралы мәлімет түспеді. Бірақ Шин-Осака және Хаката арасында қатынайтын зымыран-пойыз тоқтаған. Айта кетсек, Жапония сейсмикалық белсенді аймақта орналасқан. Сондықтан әлемдегі алты балдан жоғары зілзалалардың бестен бірі дәл осы елде тіркеледі.