Ақтөбе облысында жолда қалған 33 адам құтқарылды

Ақтүтек боран ақтөбеліктерді де әуреге салды. Түнде республикалық және облыстық маңызы бар жолдар жабылды. Алға және Хромтау аудандарында қар құрсауынан 11 автокөлік шығарылды. Төтенше жағдайлар департаментінің қызметкерлері 33 адамды қауіпсіз жерге жеткізді. Құтқарылғандардың жетеуі – бала. Зардап шеккендер жоқ. Бүгін күн ашылды. Дегенмен көктайғаққа байланысты «Ақтөбе–Атырау», «Ақтөбе–Астрахань–Кенқияқ» тас жолдарында көлік қозғалысына уақытша шектеу қойылды.