Иранда валютаның құнсыздануына қарсы шерулер демалыс күндері де өтті

Иранда демалыс күндері де шерулер жалғасты. Соңғы мәліметке қарағанда, 20 адам қаза тауып, мыңға жуығы тұтқындалған. Мұны  Британияның «Гардиан» газеті Ирандағы адам құғығы белсенділері ұйымына сілтеме жасап хабарлады.  Ұйым дерегінше, құрбандардың ішінде үш бала бар. Иранда ұлттық валютаның күрт құнсыздануы мен қымбатшылыққа қарсы акциялар желтоқсанның соңғы күндері басталып, 78 қала мен 222 елді мекенге тараған.