Елімізде SIM-карта алудың жаңа тәртібі енгізілді

Енді елде SIM-карта аларда міндетті түрде биометриялық сәйкестендіруден өту керек. Бұл мобильді және интернет алаяқтықтан сақтану үшін қажет дейді жауапты ведомство өкілдері. Сондай-ақ аталмыш шара SIM-карталарды делдалдар арқылы заңсыз сатудың алдын алмақ. Сондықтан нөмірді қай жерден алса да, азамат биометриясын сәйкестендіргеннен кейін ғана іске қосылады. Бір адамға 10 SIM-картаға дейін тіркеуге рұқсат. Одан асса жағдай жеке қарастырылады. Мұндай тәсіл алаяқтық схемаларға тән нөмірлерді жаппай тіркеуді азайтады.