Жамбыл облысында көмір жағып келген ауылға көгілдір отын кірді

Жамбыл облысындағы Жуалы және Жамбыл ауданы тұрғындары 100% табиғи газбен қамтылды. Ал Талас ауданына көгілдір отын кіргізу жұмысы 94%-ға аяқталды. Аталған аудандағы Майтөбе ауылына газ тартылды. Бұған дейін ауыл ауыл болғалы көмір жағып, күл шығарып келген болатын. Енді мұндағы 2 мыңға жуық тұрғын заманауи инфрақұрылым игілігін пайдалана бастады. Бүгінде көршілес Қожағаппар ауылын қоса алғанда 445 абоненттің 210-ны газды үйлеріне кіргізді. Айта кетейік, жоғарыда аталған 3 ауданға газ тарту жұмысы екі жыл бұрын басталды. Оған 3,5 млрд теңгеге жуық қаржы жұмсалды.

Болат Әбжаппаров, Майтөбе ауылының тұрғыны:

9 елді мекенге газ келіп, ел риза болып жатыр. Әр уақытта жақсылық болсын, бірлік болсын, тірлік болсын. Бейбітшілік болсын. Қазақ елі аман болсын!