БҚО-да қар құрсауынан 18 адам құтқарылды

Батыс Қазақстан облысында қар құрсауынан 18 адам құтқарылды. Облыстық Төтенше жағдайлар департаментінің қызметкерлері Казталов, Тасқала, Ақжайық және Теректі аудандарында боран кезінде жолда қалған 15 ересек адам мен 3 баланы аман-есен үйіне жеткізді. Зардап шеккендер жоқ. Кеше ақтүтек боран салдарынан бір республикалық және 3 облыстық маңызы бар жол учаскесі жабылды. Сондай-ақ құтқарушылар Сырым ауданы Көгеріс ауылы маңында қар құрсауында қалып қойған жүк көлігін шығарып алды. Жүргізуші құтқарушы қызметкерлерге алғыс айтты.