Ұлттық арнаның мерекелік шашуы

Жаңа жыл Ұлттық арна көрермені үшін тосынсыйға толы болмақ. Эфирде бірнеше отандық киноның тұсаукесері болады. «Биік сезім», «Байдың баласы», «Жұмбақ қыз», «Көршілер» сынды фильмдер бірінші рет телеарнадан көрсетіледі. Кішкентай көрермендерге Диснейдің ең таңдаулы анимациялық фильмдері ұсынылады. Демалыста «Мұзды өлкенің» екі бөлімі, «Аңдар шаһары», «Аватар», «Мұз дәуірі» мен «Моана» эфирге шығады. Әр мерекеде көпшілік асыға күтетін, нағыз бестселлер «Үйде жалғыз қалғанда» фильмінің үш бөлімі көрсетіледі. Сонымен бірге, 31 желтоқсанда еліміздің басты арнасында – ең танымал жұлдыздарды біріктіретін «Жақсылықпен кел, жаңа жыл» мерекелік шоу-концертін ұсынады. Жаңа жылды көтеріңкі көңіл-күйде Ұлттық арнамен қарсы алыңыз.