ШҚО-да орманшыларға 140 автокөлік берілді

Жаңа жыл мейрамы қарсаңында шығыстағы орманшыларға автокөлік берілді. Қызметтік көлікпен қатар өрт сөндіретін арнайы құралмен жабдықталған техника да бар. Жалпы саны 140-тан аса автокөлік өңірдегі барлық орман шаруашылықтарына теңдей бөлінді. Бұл еліміздегі орман қорының төрттен үш бөлігі бар аймақ үшін үлкен көмек. Қызметтік көлік пен арнайы техникаларды алуға Өнеркәсіпті дамыту қоры 4 млрд-қа жуық теңге бөлген. Ал облыстық бюджеттен 240 млн теңге қарастырылған. Облыстағы орман шаруашылықтарының материалдық-техникалық базасын нығайту мақсатында соңғы жеті жылда бюджеттен 2,2 млрд теңге бөлінген.

Тұрсынхан Айтымбетов, Верх-Уба орман шаруашылығының директоры:

Біздің орман шаруашылығына 7 бірлік техника алып жатырмыз. Оның ішінде 3 өрт сөндіру машинасы, 3 трактор және 1 орманда жүретін УАЗ автокөлігі бар. Бұл алдағы уақытта үлкен көмек болады.