Оралда тазалық сақтау туралы жадынама таратылды

Оралда “Таза Қазақстан” жалпыұлттық экологиялық акциясы аясында шағын кәсіп иелеріне айналаны таза ұстау туралы жадынама таратылды. Белсенді жастар базар аумағындағы саудагерлерге санитарлық талаптар мен тазалық нормаларын сақтау туралы кезекті рет құлағдар етті. Сондай-ақ кәсіпкерлерге қыста мекеме айналасын қар мен мұздан тазалап, қауіпсіздік шараларын сақтауға үндеді. Жастардан құралған еріктілер тобы жыл бойына акция аясында 900-ден астам іс-шараға қатысқан. Олардың 30-ға жуығы экологиялық мәдениетті қалыптастыру бағытындағы түсіндірме жұмысы мен кездесу түрінде ұйымдастырылған.

Нұрсұлтан Сәрсенбаев, облыстық жастармен жұмыс жөніндегі ресурстық орталығы басшысының міндетін атқарушы:

Осы шаралар қыс бойы жалғасады. Бұдан бөлек жалпы студенттермен, жастармен түрлі мекемелермен түсіндірме жұмысы жүргізіледі. Өйткені “Таза Қазақстан” тек қоқыс жинау емес, бұл – түпсана тазалығы, қоғамның тазалығы. Осы мәселелер бойынша біз идеологиялық бағытта алдағы уақытта да жұмыстанамыз.