«Хамас» қозғалысын қаржыландырғандардан 1 млн еуродан астам ақша тәркіленді

Италия полициясы «Хамас» қозғалысын қайырымдылық қорлары арқылы қаржыландырды деген күдікпен тоғыз адамды тұтқындады. Ұсталғандардың ішінде Италиядағы палестиналықтар қауымдастығының президенті Мұхаммед Ханнун да бар. Бірақ ол «хамастықтарға» демеуші болғанын жоққа шығарып отыр.

Сонымен қатар бүкіл ел аумағында рейд жүргізіліп, 1 миллион еуродан астам ақша тәркіленді. Тергеу барысында кейбір үйлерден компьютерлер, өзге де электрондық құрылғылар және исламшыл ұйымның тулары табылған.