Қазақстандық оқушылар робототехникадан жартылай финалға жолдама алды

Алматылық оқушылар Азияның робототехника бойынша ең мықты командалары қатарына енді. Бейжіңде өткен халықаралық турнирде қазақстандық ұжым алғаш рет жартылай финалға жолдама алды. Зияткерлер робот құрастырып, олармен Push back ойынын ойнады. Сайысқа 100-ден астам команда, 2400-ге жуық дарынды жас қатысқан. Жерлестеріміз жоғары сынып оқушылары арасында сынға түсіп, жоғары нәтижеге ие болды. 

Әли Әлмен, оқушы:

Қытайға біз 2 ай дайындалдық. Осы екі айдың ішінде бағдарлама жаздық, роботты құрастырдық. Қытайда өте көп мықты командалар болды. Біз Вьетнам мен Аустралияны жеңіп, жартылай финалға шықтық. Осы кезеңде Қытай командасымен кездестік.