Axios: Трамп пен Зеленский 28 желтоқсанда Флоридада кездеседі

АҚШ президенті Дональд Трамп пен Украина президенті Владимир Зеленский 28 желтоқсанда Құрама Штаттар лидерінің Флоридадағы резиденциясында кездеседі. Мұны Axios газетінің тілшісі Барак Равид Х плафтормасындағы парақшасында хабарлады.

Трамппен таяуда жүздесетінін бүгін Зеленскийдің өзі де мәлімдеді. Оның айтуынша, жаңа жылға дейін көп мәселе шешілуі мүмкін.

Сонымен қатар  Украина басшысы бірер күн бұрын Трамптың арнайы өкілі Стив Уиткоффпен және күйеу баласы Джаред Кушнермен телефон арқылы сөйлесіп, бейбітшілікті жақындататынын, жаңа идеялар пайда болғанын жеткізді.