Джеки Чан Олимпиада алауы эстафетасына қатысты

Әйгілі актер Джеки Чан Миланда өтетін қысқы Олимпиада алауы эстафетасына қатысты. Ол факелді ежелгі Помпей қаласында алып жүрді. Бүгін эстафетаны әрі қарай Италия футболының аңыздары Фабио Каннаваро мен Чиро Феррара Неапольде ұстап өтеді. Жаңа жылдық мереке күндері Олимпиада алауы Помпей аумағында уақытша тоқтайды. Қысқы ойындардың ашылу салтанаты 6 ақпанда болады. Соған дейін факел Италияның 12 мың шақырымға созылған 110 провинциясынан өтуі тиіс.