Сирияда үкімет әскері мен күрд жасақтары қақтығысты

Сирияның Алеппо қаласында орталық үкімет әскері мен күрд қарулы жасақтары қақтығысты. Наурызда қол қойылған келісімге сәйкес, соңғылары жыл аяқталғанша мемлекет армиясына қосылуға тиіс еді. Алайда мәміле орындалмаған. Соңғы мәліметке қарағанда, атыс кезінде 3 адам қаза тауып, 25-і жараланды. Мерт болғандардың барлығы – бейбіт тұрғындар. Дүйсенбі күні Сирия қорғаныс министрлігі мен күрдтердің қолбасшылары мәлімдегендей, тараптарға атысты тоқтату туралы бұйрық берілген. Қазір екі жақ шабуылды бірінші бастады деп бір-бірін айыптап отыр.