ШҚО-да жүкті әйел тікұшақпен облыс орталығына жеткізілді

Шығыстағы Алтай қаласында шұғыл медициналық жәрдем қажет болған жүкті әйел тікұшақпен Өскеменге жеткізілді. Өйткені босану мерзімі жақындаған жас ананы жедел жәрдеммен алып жүруге денсаулығы жарамаған. Оған қоса ауа райының қолайсыздығынан Өскемен-Алтай-Үлкен-Нарын-Қатонқарағай бағытындағы авоткөлік жолы жабық болды. Шақыру түскен сәтте Төтенше жағдайлар министрлігінің «Қазавиаспас» тікұшағымен санитарлық авиацияның дәрігерлер бригадасы науқасқа әуеде медициналық көмек көрсете отырып облыс орталығына жеткізілді. Жүкті әйелді бірден Өскемендегі Ана мен бала орталығының білікті мамандары қарауына алды.