Тараз бен Оралда «Келешек мектептері» ашылды

Тараз қаласында 600 балаға арналған «Келешек мектебі» ашылды.

Білім ошағы осы жоба аясында аймақта ашылған жетінші нысан саналады. Осылайша Шөлдала тұрғын алабындағы орын тапшылығы түбегейлі жойылды. Бұған дейін 3 мектебі болғанына қарамастан мыңға жуық орын жетіспейтін. Ал жаңа мектепте заманауи зертханалар, кітапхана, шеберхана, хореография бөлмелері мен робототехника үйірмесі бар. Сондай-ақ бірнеше спорт залы, арнайы демалыс орны мен коворкинг орталығымен қамтылған. Айта кетейік, биыл қалада 4,5 млрд теңгеге 5 мектеп күрделі жөнделіп, 3 білім ошағына жапсарлас нысан салынды.

Әйгерім Алтынбаева, қалалық Білім бөлімінің басшысы:

760 бала қабылданып отыр. Тағы қосымша 150 бала осы мектепте жайғасатын болады. 21-ғасыр дағдыларын меңгеруге, оқушыларға сапалы білім саналы тәрбие алуда ақпараттық коммуникациялық технологияларды қолайлы қолдануға барлық мемлекет балаларға үлкен жағдай жасап отыр. 

Гүлнұр Бақытжанова, мектеп директоры:

Әрбір шеберхананың өзі балалардың болашақ мамандықтарын таңдауға, ғылыми жұмыстармен айналысуға, әртүрлі жобалар жасауға үлкен мүмкіндік береді. Біз осы мектептен саналы ұрпақ тәрбиелейміз және олар Қазақстанның үлкен азаматтары болады деген сенімдеміз.