Мәскеуде көлік жарылып, лауазымды генерал қаза тапты

Бүгін Мәскеуде көлік жарылып, Ресей Бас штабының оперативтік дайындық басқармасының жетекшісі Фанил Сарваров қаза тапты. Мұны Ресей Тергеу Комитеті хабарлады. Сарваров – былтыр желтоқсан айынан бері өлтірілген үшінші генерал. Қазір оқиғаға байланысты түрлі болжамдар айтылып жатыр. Соңғы мәліметке қарағанда, Ресей Тергеу комитеті жалпыға қауіпті тәсілмен адам өлтіру және жарылғыш заттарды заңсыз тасымалдау бабы бойынша қылмыстық іс қозғаған.