ШҚО-да бастауыш сыныптар қашықтан оқып жатыр

Шығыста аяз қаһарына мінді. Өткен түнде аймақтағы бірқатар солтүстік аудандарда термометр бағаны –30–32 градусқа дейін төмендеді. Сондықтан бүгін Алтай ауданындағы бастауыш сыныптар қашықтан оқып жатыр. Ал өңірде соңғы 2 тәулікте қарлы боран соққандықтан бірқатар автокөлік жолдары уақытша жабылған. Республикалық маңыздағы Өскемен–Алтай–Үлкен–Нарын–Катонқарағай–Рахман Қайнары толық және Өскемен–Семей бағытының ішінара бөліктері әлі ашылған жоқ. Қар аралас бораннан жол мүлде көрінбейді. Төтенше жағдайлар департаменті халыққа ауа райы жақсарғанша жолға шықпауды ескертеді.