Нью-Делидің ластанған ауасы су шашу тәсілімен тазартыла бастады

Үндістан астанасы Нью-Делиде ауаның ластануымен күреске жаңа тәсіл қолданылып жатыр. Халқының саны 30 миллионға жеткен алып қаланың фонарь бағандарына, су шашқыштар орнатылып жатыр. Соның нәтижесінде кейбір аудандардың ауасы біршама тазарып, тыныс алу айтарлықтай жеңілдеген.

Дели мұндай экологиялық проблемаға жыл сайын қыс кезінде душар болады. Оған көліктерден, құрылыс алаңдарынан және өртелген сабаннан тараған түтіннің ыдырауына суық әрі тығыз ауаның кедергі жасауы себеп болады. 

Үндістан - ауа сапасының төмендігі жағынан әлемдегі алдыңғы қатарда тұрған елдердің бірі.