ШҚО-да кәсіпорындардың тапсырысымен 3 мың студент білім алуда

«Жұмысшы мамандық» жылы аясында Шығыс Қазақстан облысында қазір 155 кәсіпорынның тікелей тапсырысымен 3 мыңға жуық студент білім алып жытыр. Олар диплом алған соң бірден тұрақты жұмысқа орналасады. Ал биыл өңірдегі колледждерді бітірген бес жарым мыңға жуық жас маманның 87 пайызы өз мамандықтары бойынша жұмысқа орналасты. Аймақтағы арнаулы оқу орындары жұмыс берушілермен бірге еңбек нарығының талаптарын ескере отырып, кәсіби стандарттарға сәйкес жаңартылған 159 білім беру бағдарламасын әзірледі.Дегенмен өндірісті өңірде әлі білікті техникалық мамандықтар жетіспейді. Мәселен аймақтық энергетикалық компанияда 180-ге жуық электромонтердің орны бос тұр.

Ерболат Әлпиев, аймақтық энергетикалық компания басшысы:

Қазір біздер өте көптеген колледждер мен университеттермен бірігіп жұмыс істеп жатырмыз. Даульді оқытудың арқасында бірқатар азаматтар жұмысқа кіріп жатыр. Мысалға айтатын болсақ, Алтайдағы колледжен 8 адамды жұмысқа алдық.