Қызылордада көне вокзал ғимараты жөнделіп жатыр

Қызылорда облысында ең көне вокзал ғимараты жөнделіп жатыр. Қазалы теміржол станциясы сонау 1905 жылы салынған. Ғасырдан аса уақыт өткен ғимараттың әбден тозығы жеткен. Биыл мемлекет қорғауындағы нысанның сыртқы келбеті мәрмар таспен қапталып, төбе жабындысы қайта жаңғыртылды. Сондай-ақ, вокзал аумағы абаттандырылып, тұрғындар үшін жаңа демалыс аллеясы ашылмақ. Ал Әйтеке би кентін екіге бөліп тұрған шойынжолдың үстінен жаяу жүргіншілер өткелі салынуда. Мердігер мекеме маңызды жобаны межелі мерзімінде аяқтауға уәде етіп отыр.

Қайырбек Тайшыбаев, учаске басшысы:

Қазіргі уақытта 90 жұмыстары жасалды. Қазіргі кезде ішкі әрлеу жұмыстары жүріп жатыр. Ендігі кезекте ішкі жиһаздары, қондырғыларын қазір күтудеміз.