Д.Әбділәшімұлының «Елдік феномен» атты монографиясы таныстырылды

Көрнекті тарихшы-зерттеуші Дүйсенәлі Әбділәшімұлының жаңа монографиялық еңбегі көпшілікке таныстырылды. Токиода жарық көрген туынды «Елдік феномен» деп аталады. Онда Қазақ хандығы мен Цин патшалығы арасындағы дипломатиялық хат алмасулар, маңызды құжаттар туралы кеңінен мағлұмат берілген. Тарихшылар мұны Орталық Азия халықтары үшін маңызды зерттеу екенін айтады.

Мақсат Алпысбес, тарих ғылымдарының докторы:

Дүйсенәлі Әбділәшімұлының бұл еңбегін үлкен бір белес деуге болады. Ел ұлықтары Цин патшалығымен қалыптастырған дипломатиялық-халықаралық өзара қарым-қатынастары, шекара мәселесін талқылау, сауда және Цин патшалығы мен Қазақ хандығы арасындағы Жоңғар хандығы күйрегеннен кейінгі өзара мемлекеттік қарым-қатынастарды нығайту мәселесі деректі құжат ретінде жан-жақты қарастырылған.