Қарағанды облысында 40 жыл күткен медициналық пункт ашылды

Қарағанды облысы Шет ауданына қарасты Қарамұрын станциясында медициналық пункт ашылды. Жаңа ғимарат толықтай заманауи қондырғылармен жабдықталған. Екпе, физиотерапия бөлмелері де бар. Тұрғындардың айтуынша, елді мекенде бұрын-соңды медициналық ғимарат болмаған. Ем қабылдау үшін аудан орталығына қатынаған. Тәуелсіздік мерекесінде бұл біз үшін керемет тарту болды дейді жұртшылық.

Елена Уланова, дәрігер:

Бұл ғимаратты тұрғындар 40 жыл бойы күтті. Медбике ретінде 30 жыл қызмет етіп келе жатырмын. Бірақ өз ғимаратымыз болмады. Сондықтан қатты қуаныштымын. Құрылғылардың барлығы жаңа әрі заманауи. Сондықтан ауыл тұрғындары қажетті көмекті толықтай ала алады деп ойлаймын.