Иранда жанармай қымбаттады

Иранда жанармай бағасы қымбаттады. Енді айына 160 литрдан артық бензин алушылар үшін, бір литр бензин үшін 50 мың риал немесе 4 цент төлеуі тиіс. Кейбір сарапшылардың ойынша, жергілікті билік мұндай қадамға бара отырып, санкция титықтатқан экономикаға қаржы тартуды, әлеуметтік шығындардың орнын толтыруды көздеп отыр.

Айта кетсек, Иран бензиннің арзандығы жағынан әлемде алдыңғы қатарда тұрған елдердің бірі. Мұнда отын құнының төмен болуына үкіметтің бензин өндірісі мен оны жеткізуді субсидиялап отыруы себеп.