Газа секторы тасқыннан зардап шегуде

Газа секторында АҚШ президенті Дональд Трамптың бейбітшілік жоспары бойынша атысты тоқтату режимінің күшіне енгеніне екі ай толды. Соған қарамастан, жүздеген мың адам әлі шатырларда тұрып жатыр. Ал кейінгі күндері төпелеп жауған жаңбырдан талай лагерді су басқан. Біріккен Ұлттар Ұйымының ескертуінше, қазір 800 мыңдай адамға тасқын қаупі төніп тұр. Шекарадан өту қиындағандықтан, палестиналық анклавқа гуманитарлық көмек жеткілікті деңгейде енгізілмей жатыр. Үй салу мен жаңа үкімет құру жоспары болса, әзірге іске асар емес. Себебі Израиль «Хамастың» қолындағы соңғы тұтқынның мәйіті қайтарылмайынша, бейбіт келісімнің екінші кезеңі басталмайтынын ескертіп отыр.