Зеленский: Сайлау өткізу үшін атысты тоқтату керек

Украина президенті Владимир Зеленский АҚШ-пен арада Киевке қауіпсіздік кепілдіктерін беру туралы әңгіме болғанын мәлімдеді. Тараптар орындалуы міндетті келісім жасау үшін жұмыс жүргізіп жатқанын жеткізді. Бұған қоса, Зеленский президент сайлауын өткізуге көрсетіліп жатқан қысымға қатысты сұрақтарға жауап беріп, Украина демократиялық процестерден бас тартпайтынын айтты.

Владимир Зеленский, Украина президенті:

Президент Трамп Украинадағы сайлау жайын қозғады. Бұған қатысты айтарым — біз сайлауды өткізуге тырысамыз. Украина демократиядан қашып жатқан жоқ. Алайда сайлау өткізу үшін қауіпсіздік болуы және бұған Америка көмектесуі керек. Сайлау қазір өтуі үшін, ең болмаса, дауыс беру кезінде атысты тоқтату қажет.