Шымкентте «Таза бейсенбі» экологиялық акциясы өтті

Шымкентте «Таза бейсенбі» экологиялық акциясы өтті. Сенбілік Қаратау ауданындағы көпқабатты үйлердің ауласында жалғасты. Шараға «Жастар рухы» жастар қанаты, мемлекеттік қызметшілер, еріктілер мен қала тұрғындары қатысып белсенділік танытты. 100-ге жуық адам арық-атызды қалдықтан тазартып, қураған ағаштарды, шөптерді қырқып, ауланы сыпырып ретке келтірді. Мұндай тазалық жұмыстары жыл басынан бері 50-рет ұйымдастырылып, нәтижесінде 47 тоннадан астам қоқыс шығарылған. Жалпы, атаулы акцияға 4 мыңға жуық азамат атсалысқан.

Бүгінгі күнге дейін, яғни қаламызда 50-мәрте өткізіліп жатыр. 47 тоннадан астам қоқыс шығарылды. Бұл жалғасын табады. Шымкент қаласының тұрғындары мен қала қонақтарын тазалықты сақтауға шақырамыз. Өйткені Шымкент қаласы экологиялық таза Шымқалаға айналуы керек деп есептейміз.