Елімізде мыңнан астам шаруа ерте қаржыландыруға өтінім берді

Қазақстандық диқандар келер жылғы егіс науқанына ерте дайындалып жатыр. Бүгіннің өзінде мыңнан астам шаруа «Кең дала 2» бағдарламасы аясында қарыз алуға өтінім берген. Жалпы сома 150 млрд теңгеге жуықтайды.

Президенттің тапсырмасымен өтінімдерді қабылдау 1 қазанда басталған. Осылайша шаруалар жанар-жағармайды тиімді бағамен сатып алуға, тыңайтқыш алуға, ауыл шаруашылығы техникасын жөндеуге және тұқым қорын қалыптастыруға мүмкіндік алды.

Бағдарлама бойынша жылдық 5% мөлшерлемемен жеңілдетілген қаржыландыру қарастырылған.