Еліміздің бірқатар өңірінде дауылды ескерту жарияланды

Қазгидромет еліміздің бірқатар өңірінде дауылды ескерту жариялады. Шығыс, оңтүстік және орталық аймақтарда ауа температурасының күрт төмендеуі күтіледі. Батыс және оңтүстік өңірлерде қар жауып, боран соғуы мүмкін.

Аталған облыстардың барлығында көктайғақ болуы ықтимал. Еліміздің басым бөлігінде тұман түсіп, екпіні секундына 15–30 метрге дейін жететін жел тұрады. Мамандар тұрғындарға абай болуды, мүмкіндігінше алыс жолға шықпауды ескертеді.