Ақмола облысында полицейді ақтық сапарға шығарып салды

Ақмола облысында қызметтік міндетін атқару кезінде көлік қағып кеткен патрульдік полиция инспекторы, аға лейтенант Асанәлі Асқарбековты бүгін туған-туыстары мен әріптестері ақтық сапарға шығарып салды.

Қоштасу рәсімінде әріптестері дәстүрге сай аспанға оқ ату арқылы марқұмға құрметін білдірді. Асанәлі Асқарбеков жас болса да өңірдегі қауіпсіздікті сақтауға жауапкершілікпен қарап, қоғамдық тәртіпті қадағалауға үлес қосты. Марқұмның соңында жұбайы мен екі баласы қалды. Кенже баласы әлі қырқынан да шықпаған.