Нью-Дели әуежайында жолаушылар жүктерін таппай жатыр

Үндістан астанасы Нью-Делиде осы айда 2 мыңдай әуе рейсі доғарылып, талай адам жүктерін таппай қалған. Мұндай жағдайдың қалыптасуына IndiGo әуе компаниясындағы экипаж тапшылығы және пилоттардың ұшу кестесінің дер кезінде жоспарланбауы себеп.

Қазір ондаған мың жолаушы сапарға аттана алмай отыр. Көптеген адамның тойға немесе демалысқа бару жоспары бұзылған. Осыған байланысты тұрғындардың аталған компанияға наразылығы күшейіп келеді. Үндістан азаматтық авиация министрлігі ескерткендей, ереже бұзған өзге компаниялар сабақ алуы үшін IndiGo-ға қарсы қатаң шара қолданылады.