Лувр музейінің қызметкерлері ереуілге шықпақшы

Кәсіподақтар әлемге әйгілі Лувр музейінің қызметкерлерін желтоқсанның 15-де ереуіл жариялауға шақырды. Наразы топ қарсылық акциясы жайлы елдің мәдениет министрлігіне ескерту-хат жолдаған. Кәсіподақтар мұндай қадамға Луврда кейінгі кездері келеңсіз оқиғалар жиілеп кеткендіктен барып отыр. Олардың сөзінше, музейдің қызметкерлері тым көп жұмыс істейді, ал басқару жүйесі түрлі проблемаға душар болып отыр. Сонымен қатар кәсіподақтар жалақыны көтеріп, жұмысқа жаңа қызметкерлер алып, шығындарды қайта бөліп, билет қымбаттау идеясынан бас тартуды талап етіп жатыр.