Бір айда пластикалық ота жасатуға зейнетақы қорынан 2,1 млрд теңге алынған

Қазақстандықтар зейнетақы қорына жинақталған қаржысын жаппай пластикалық операцияға жұмсай бастады. Қараша айында рекорд тіркелді. 30 күннің ішінде 2277 өтініш бойынша 2,1 млрд теңге төлем жасалған. Қазан айымен салыстырғанда өтініш 33 есе, ал төлем 39 есе өсіп отыр. Мамандар стоматологиялық қызметке төлем жасау тоқтатылғаннан кейін барлығы пластикалық ота арқылы ақша шешуге көшті деп болжап отыр.