Зеленский Еуропа елдерінің лидерлерімен кездесті

Украина президенті Владимир Зеленский Лондонда Ұлыбритания премьер-министрі Кир Стармермен, Франция президенті Эммануэль Макронмен және Германия канцлері Фридрих Мерцпен кездесті. Тараптар өткен аптада Украина мен АҚШ делегациялары Флоридада жүргізген келіссөздердің нәтижесін талқылады. Сонымен қатар лидерлер АҚШ ұсынған бейбіт жоспар негізіндегі дипломатиялық жұмыстарды жалғастыруға уағдаласты.

Лондоннан кейін Зеленский Брюссельге аттанып, онда НАТО, Еуропа одағы және Еурокомиссия жетекшілерімен кездесті. Айта кетсек, Украинадағы соғысты тоқтату жоспары бойынша екі мәселенің шешімі қиын болып тұр. Олар - Украинаға қауіпсіздік кепілдігін беру және Ресей басып алған Донбасстың мәртебесін анықтау.