БҰҰ Украина бойынша отырыс өткізеді

БҰҰ-ның Қауіпсіздік кеңесі Украина мәселесі бойынша 9 желтоқсанда ашық отырыс өткізеді. Бұл туралы Словенияның БҰҰ-ға төрағалық ететін тұрақты өкілдігі хабарлады. Жиынды өткізу ұсынысы Батыс елдеріне тиесілі. Олардың қатарында Дания, Франция, Ұлыбритания, Грекия және басқа да елдер бар.

Бұған дейін АҚШ пен Украина соғысты тоқтату туралы кезекті келіссөз өткізген еді. Соңғы екі аптадағы алтыншы кездесуде тараптар Украинада тұрақты бейбітшілікті орнату мүмкіндіктерін талқылады. Сондай-ақ Ақ үй Украина бойынша бейбітшілік жоспарына елеулі өзгерістер енгізілгенін мәлімдеді.