«Таза бейсенбі»: Шымкентте экологиялық акция өтті

Шымкентте «Таза бейсенбі» экологиялық акциясы Тұран ауданындағы Абай саябағының аумағында өтті. Шараға «Жастар рухы» жастар қанаты, мемлекеттік қызметшілер, еріктілер мен қала тұрғындары қатысты. 50-ден астам адам арық-атызды қалдықтан тазартып, демалыс аймағын ретке келтірді. Жыл басынан бері тазалық шарасына 4 мыңға жуық азамат атсалысқан.

Ербол Байқонысов, «AMANAT» партиясы Шымкент қалалық филиалы атқарушы хатшысының орынбасары:

Шымкент қаласы жасыл қалаға айналуы керек. Экологиялық таза болуы керек деп есептеймін. Енді өздеріңізге белгілі биыл Абай Құнанбайұлының 180 жылдығы. Соған байланысты Абай саябағында да тазалықты жүргізуді басты мақсат етіп қойдық. Өйткені осы жерде біздің қала тұрғындары, қонақтары демалуы керек. Сондықтан да өзіміздің үлесімізді қосуға осы жерге келіп отырмыз.