Президент әскердегі тәртіпті күшейту бойынша кеңес өткізді

Мемлекет басшысының төрағалығымен әскери және құқықтық тәртіп мәселелеріне арналған кеңес өтті. Жиында әскердегі келеңсіздіктердің себептері талданып, оны болдырмау үшін атқарылып жатқан жұмыстардың тиімділігі талқыланды. Бас прокурор, Ішкі істер және Қорғаныс министрлері әскерилер арасындағы тәртіпті нығайту, құқықбұзушылықтың алдын алу және тәрбие жұмысының жай-күйі туралы баяндама жасады. Президент заң мен тәртіпті берік ұстану, әскердегі тәрбие жүйесін заман талабына сай жетілдіру, ең бастысы – әскери қызметшілердің өмірі мен қауіпсіздігін қамтамасыз ету бағытында тапсырмалар жүктеді.